LA CUADRILLA /THE NAVIGATORS, Ken Loach, 2001

SINOPSE

No sur de Yorkshire, cando a empresa ferroviaria  British  Rail é privatizada, os traballadores atópanse ante un dilema: acatar as novas normas da compañía ou aceptar o despedimento e pasar a engrosar as listas das axencias de traballo temporal. (FILMAFFINITY)

 

 

LA COSTILLA DE ADÁN / ADAM'S RIB, George Cukor, 1949

 SINOPSE

Nesta comedia sofisticada sobre a guerra de sexos, Amanda e Adam son un  idílico matrimonio de avogados cuxa paz conxugal vese afectada cando un caso os enfronta nos tribunais como defensor e fiscal respectivamente: unha muller é xulgada por disparar contra o seu marido e a amante deste. Adam non dubida da culpabilidade da acusada, pero Amanda non é da mesma opinión. (FILMAFFINITY)

 

 

LA COLMENA, Mario Camus, 1982

 SINOPSE

Camilo José Cela escribe no prólogo á primeira edición da novela: "A Colmea non é outra cousa que un pálido reflexo, que unha humilde sombra da cotiá, áspera, entrañábel e dolorosa realidade (...) non aspira a ser máis que un anaco de vida narrado sen reticencias, sen estrañas traxedias, sen caridade, como a vida discorre, exactamente como a vida discorre. Queiramos ou non queiramos. A vida é o que vive -en nós ou fóra de nós-; nós non somos máis que o seu vehículo, o seu  excipiente como din os  boticarios (...) A súa acción discorre en Madrid, en 1942, e entre un  torrente, ou unha colmea, de xentes que ás veces son felices, e, ás veces, non". (FILMAFFINITY)

 

 

LA CLASE (2008) / ENTRE LES MURS, Laurent Cantet, 2008

 SINOPSE

François é un novo profesor de lingua francesa nun instituto conflitivo, situado nun barrio marxinal. Os seus alumnos e alumnas teñen entre 14 e 15 anos, e non dubida en enfrontarse a eles en estimulantes batallas verbais; pero a aprendizaxe da democracia pode implicar auténticos riscos. Ao comezar o curso, os profesores, cheos de boas intencións, desexosos de dar a mellor educación ao seu alumnado, ármanse contra o desalento. Pero a abismal diferenza de cultura e de actitude chocan violentamente nas aulas, que non son máis que un microcosmos da Francia contemporánea. Por moi divertidas que sexan ás veces as alumnas e alumnos, os seus comportamentos poden cortar de raíz o entusiasmo dun profesor. A tremenda franqueza de  François sorprende ao seu alumnado, mais o seu estrito sentido da ética cambaléase cando os mozos empezan a non aceptar os seus métodos. (FILMAFFINITY) 

 

 

LA CAZA / JAGTEN (THE HUNT), Thomas Vinterberg, 2012

 SINOPSE

Tras un divorcio difícil, Lucas, un home de corenta anos, atopou unha nova noiva, un novo traballo e trata de reconstruír a súa relación con  Marcus, o seu fillo adolescente. Pero algo empeza a ir mal: un detalle calquera, un comentario inocente e unha mentira insignificante que se estende como un virus invisíbel sementando o estupor e a desconfianza nunha pequena poboación... (FILMAFFINITY)

 

 

LA CAJA 507, Enrique Urbizu, 2002

 SINOPSE

Modesto, un home honrado e traballador, dirixe unha sucursal bancaria na Costa do Sol. Un día, uns atracadores entran no banco, rebentan as caixas de seguridade e déixano atrapado dentro. Casualmente, ao mirar o contido da caixa 507, descobre que a morte da súa filla, ocorrida hai algúns anos, non foi accidental. Do contido desa caixa depende tamén a vida e a seguridade de Rafael, un ex-policía corrupto e sen escrúpulos, que tratará de recuperar eses documentos como sexa. (FILMAFFINITY)

 

 

LA BUENA ESTRELLA, Ricardo Franco, 1997

 SINOPSE

Rafael é un carniceiro estéril que leva unha vida triste e solitaria. Un día auxilia a Mariña, unha rapariga chosca á que o seu noivo estaba a mallar. Ademais, alóxaa na súa casa, aínda sabendo que está embarazada. Moi pronto, ambos pensan en cumprir un soño que ata entón lles parecía imposíbel: formar unha familia. (FILMAFFINITY)

 

 

LA BODA DEL MONZÓN / MONSOON WEDDING, Mira Nair, 2001

 SINOPSE
Os preparativos dunha elegante voda en Nova Deli, que durará catro días, reflicten os conflitos entre xeracións partidarias de seguir as tradicións e outras defensoras da modernidade. A  Lalit  Verma e á súa muller  Pimmi a voda concertada da súa filla lévalles case ao bordo dun ataque de nervios e da quebra. Outras historias paralelas desenvólvense a medida que van chegando á cidade parentes procedentes de todo o mundo. O noivo chega de  Houston (Texas), onde traballa como enxeñeiro, para coñecer á noiva. A noiva, pola súa banda, acepta o compromiso de mala gana, pois está namorada dun presentador de televisión. Os preparativos da voda esixen contratar a un organizador profesional e o elixido será  P. K.  Dubey, que é un intelixente mozo de clase media. (FILMAFFINITY)

 

 

LA BODA DE MURIEL / MURIEL'S WEDDING, P.J. Hogan, 1994

 SINOPSE
Muriel é unha moza con sobrepeso que vive nun mundo de fantasía, cancións de ABBA e catálogos nupciais. Soña cun príncipe azul que algún día a liberará da súa  odiosa familia e das súas burlonas amigas. Cansa de esperar a súa chegada, decide irse á cidade e buscalo. Un dos maiores éxitos do cinema australiano dos noventa. (FILMAFFINITY)